iPhone用咩U真係有分别?睇吓官方点回应

iPhone用咩U真係有分别?睇吓官方点回应

iPhone 6s嘅A9处理器被揭发同时由台积电同三星製作,且并非以售卖区域划分,用家须以实机测试方知龙与凤。坊间话体积有别外,续航力都有高低之分,种种说法疯传咁耐,Apple终于肯出嚟畀正式回应。

先总结吓究竟两粒CPU有咩分别:三星出品比台积电细10%,但台积电效能就相对较好,例如Jonathan Morrison以两部唔同U嘅iPhone 6s,两次进行一系列相同操作,发现台积电版仲有24%电,而三星版本已经得番一成。另一位YouTuber又尝试将两部机屏幕调至同等亮度,然行运行GeekBench 3电池测试,结果台积电冇咁大食,比起三星要多50分钟先跌至半成电,温度亦较低。

Apple似乎忍够,寻日发表公开声明,指无论边间厂嘅A9均合乎水準要求;而外界进行嘅测试都长时间将粒U推到最高使用率,与实际使用情况不符。根据内部测试同手头上嘅客户数据,两粒U续航力只有2-3%差异,唔係各位想像中咁夸张。若果睇完官方回应信唔过,依然好想起底,可以去App Store下载呢款程式,查看Model一栏,数字后为AP代表三星A9,mAP则为台积电版。