《蝙蝠侠对超人》竟然有8个趣! 大奇趣位逐个数

千呼万唤,21世纪终可首次见证蝙蝠侠与超人同台较量(当然他们真正敌人是对家Marvel的一众复仇者)!不过《蝙蝠侠对超人:正义曙光》原计划去年推出,搞搞下变咗喺今年非暑假档期上映,唔通冇信心?看了,戏并不如想像中差,当中不乏抢眼位,但「耻笑」位亦不缺,立刻同各位一数当中精华!(注意:内含剧透)

1. 首先出场竟然係……《保卫奇侠》?

唔係蝙蝠侠,亦非超人或神奇女侠,而是《保卫奇侠》中嗜血又鹹湿的笑面侠!虽然大家都属DC Comics,但保卫奇侠会咁快踩过界?其实係讲紧饰演笑面侠的演员Jeffrey Dean Morgan。今次佢饰演英雄或恶魔,而是蝙蝠侠儿时(即布斯韦恩)的父亲汤玛士韦恩,即係话这位黑夜之神的童年阴影又再呈现,又即係讲Jeffrey Dean Morgan一出场就瓜柴,冇得留低!

《蝙蝠侠对超人》竟然有8个趣! 大奇趣位逐个数

《蝙蝠侠对超人》竟然有8个趣! 大奇趣位逐个数

2. 罗宾呢?得返套战衣

又讲蝙蝠侠父母遇害!闷唔闷啲?未必,呢齣《BvS》唔会详细讲布斯韦恩成侠经过(否则成套戏要用4小时都唔够讲),而係从佢跟管家阿发的对话中,已知佢已经从事黑夜之神工作有二十年,加上一见到罗宾的战衣,大家会知道这位蝙蝠侠的拍档早已出事,为公义、为私仇,今集的蝙蝠侠对坏人自然更暴戾,杀人冇手软(之前基斯顿比尔饰演的蝙蝠侠也显得太妇人之仁了),就连超人都话接受唔到佢呢种行径喎!

《蝙蝠侠对超人》竟然有8个趣! 大奇趣位逐个数

3. 管家如军师

基斯杜化路兰执导的《蝙蝠侠》三部曲,都有个摩根费曼饰演的武器专家为蝙蝠侠作战略顾问;今次这辑全新的蝙蝠侠,就由金像影帝谢洛美艾朗斯饰演的管家阿发「一脚踢」,照顾其起居饮食唔在讲,仲要喺蝙蝠侠的基地操控所有器材助少爷深入敌阵,坐喺度一样咁型!唔知呢位管家会否因为咁可有两份人工?

《蝙蝠侠对超人》竟然有8个趣! 大奇趣位逐个数

4. 肉色抢眼

超人战衣如上齣《超人:钢铁英雄》一样,蓝得嚟灰灰沉沉,蝙蝠侠的一套更加唔在讲。好在多咗一位神奇女侠!当她以古董买家黛安娜普林斯这身份登场时,便有露背晚装示人,到要以亚马逊女战士模样作战时,露肩露臂露腿更教人眼前一亮。战斗时用剑用盾用绳索用手镯,攻守兼备,把两位大男人英雄的锋芒也稍稍掩盖!

《蝙蝠侠对超人》竟然有8个趣! 大奇趣位逐个数

《蝙蝠侠对超人》竟然有8个趣! 大奇趣位逐个数

5. 正义联盟瞬间登场

入场前已知除上述两男一女孭重飞外,听说还有闪电侠、潜水侠及Cyborg陆续登场,当然心中所想他们仅客串而已,而事实上影片亦「符合商品说明条例」,每人仅出场十秒八秒,而且只限在电脑资料夹中现身。想睇多啲,要待未来几年佢哋各自的独立电影及《正义联盟》了!

《蝙蝠侠对超人》竟然有8个趣! 大奇趣位逐个数

6. 凡人点可以赢超人?

好多人都有疑问,超人分分钟一只手指可笃爆地球,蝙蝠侠点劲都只係人一个,点同佢斗?不过大家亦迅即估到,只要手执其家乡的氪气石,细路仔都可以战胜超人。片中蝙蝠侠正抢得LexCorp藏有的氪气石,将之以气体、固体等形态再加陷阱对付超人,结果两人对战时有超过一半时间是蝙蝠侠佔上风,狂揼超人兼替他划大花脸添!

《蝙蝠侠对超人》竟然有8个趣! 大奇趣位逐个数

《蝙蝠侠对超人》竟然有8个趣! 大奇趣位逐个数

7. 这个妈妈真鬼马

好嘞!两大英雄终成同盟分头行事,蝙蝠侠的任务就係去救被僱佣兵胁持的超人养母Martha Kent,最终梗係搞掂成班喽啰救出人质,呢位正义朋友即安慰伯母话:「我係你个仔的朋友,嚟救你的!」阿简太笑住回应:「我知,你同佢都係穿斗篷嘛!」唔知係简太吓到痴咗还是幽蝙蝠侠一默!

《蝙蝠侠对超人》竟然有8个趣! 大奇趣位逐个数

8. 有髮冇髮都睇唔惯

最后当然要讲讲反派、超人宿敌雷克斯路瑟,今次由谢西艾辛堡饰演这个疯子,把口唔停再加长曲髮,漫画迷唔知睇唔睇得惯。但当然佢最终都会以秃头模样示人,但头尖尖的他又教一些影迷不能瞬间接受。总之今日的漫画迷、影迷都係难服侍啰!

《蝙蝠侠对超人》竟然有8个趣! 大奇趣位逐个数

《蝙蝠侠对超人》竟然有8个趣! 大奇趣位逐个数

最重要资讯:唔使等彩蛋

萨克薛达的电影片长真係唔超过两个钟唔安乐!今次《蝙蝠侠对超人:正义曙光》片长更达157分钟,好多观众谂住睇埋片末credit等彩蛋,但周优王可以话俾大家知,此!片!冇!彩!蛋!如果大家睇夜场又赶车返屋企的话,自己执生啦!

睇完戏肚饿可以食:

周末轻鬆歎茶!! 10大宁静CAFE推介 |葵涌工厦食玩王

港式包进化! 全港4大菠萝包汉堡大比拼 |Food Battle|