【WWDC】watchOS 3.0 米妮加持 支援中文手写输

【WWDC】watchOS 3.0 米妮加持 支援中文手写输
1. 控制中心+ Dock 一览 App
watchOS 3.0 加入全新嘅 Dock,按下 Apple Watch 旁嘅按钮就可以进入 Dock,睇到常用 App 嘅最新应用状况,亦可以快速切换 App,此外watchOS 亦会喺背景更新 App,将载入速度提升7倍。另外喺扫一吓錶底亦可以启动全新嘅控制中心(Control Centre),快速进入各项设定,例如 Wi-Fi、飞行模式、静音等等。

【WWDC】watchOS 3.0 米妮加持 支援中文手写输
2. 支援中文手写
对中文用家嚟讲,watchOS 3.0一大跃进就係支援手写输入,仲可以辨识到中文手写,回覆短讯时都可以用手写,不过咁细嘅錶面点写字就后话啦。

【WWDC】watchOS 3.0 米妮加持 支援中文手写输
3. 女生大爱 Minnie Mouse 錶面
经典嘅米奇錶面相当受欢迎,甚至成为潮流 icon,今次 Apple 就新增多款錶面,加埋米妮老鼠錶面,畀各位潮人情侣錶上阵,轻扫錶面就可以转换,仲可以帮米妮条裙转色添。

【WWDC】watchOS 3.0 米妮加持 支援中文手写输
4. 长按侧钮即打999
watchOS 3.0 加入 SOS 功能,长按錶侧按钮约 3 秒,倒数后就会自动因应所在地区拨出紧急电话,例如身处香港就会打 999,并会喺通话完毕后将用户所在位置发送畀紧急服务单位,危急关头都唔怕搵你唔到。

【WWDC】watchOS 3.0 米妮加持 支援中文手写输
5. 显示 5 大健康数据
唔少人都锺意用智能手錶计算自己嘅运动数量,watchOS 3.0 更新后錶面将会一次过显示 5 大健康数据,包括距离、步速、卡路里、心跳及计时。用户可以选择突出最重要嘅数据,标记每次运动历程同种类,例如係玩瑜珈定打拳咁;仲可以跑步中途暂停,之后再继续记录。

【WWDC】watchOS 3.0 米妮加持 支援中文手写输
6. 开心些牙健身纪录
更新后用户可以同朋友分享自己嘅健身纪录,甚至分享自己嘅心跳率,等健身教练掌握阁下嘅进度,亦可以同朋友互相比拼,或传短讯打打气。

【WWDC】watchOS 3.0 米妮加持 支援中文手写输
watchOS 3.0 开发者 Beta 版即日起开放,正式版则要到今年秋季才正式推出,普罗大众要耐心等等。